home | Jouk --------------------------------------------- Sni'jpoppe De sni'jpoppe staot veur de raemen En gien meenske sprekt him es an; Want sni'jpoppen hebben gien naemen En sni'jpoppen hebben gien ván. Eerst ston ie spierwit in de zunne; Doe keek ie zo deftig en wies. Mar now wodt dat koppien zo dunne En now wodt dat jassien zo vies. Eerst keek ie zo straolend naor veuren; Doe deerde de koolde him niet. Now het ie ien oge verleuren En is ie zien bolhoetien kwiet. Eerst vunnen de kiender him reuze! Wat lachten, wat pochten ze niet! Now mikken ze had op zien neuze En raeken him dan in zien zied. De sni'jpoppe staot veur de raemen En zo kwient ie zaachiesan vot. Want sni'jpoppen hebben gien naemen En naemlozen leven zo kot ...