home | Jouk --------------------------------------------- Stellingwarvers! Stellingwarvers, ken jim plicht! Hool kim eigen tael in ere, Die zo nao an 't hatte ligt. Strieden moe'we! Mit mekere! Laot je niet te gauw verslaon! Schaem je niet veur eerlik vechten! Weet je mannegien te staon, As et gaot om oolde rechten! Stellingwarvers, buug niet deur! Laot de buusdoek buusdoek blieven! Hool de hadde kop der veur! Laot je niet in 't hoekien drieven! Praot je tael zovuul' as 't kan! Niet alliend in eigen kaemer. Buten slat et beter an! Buten is et nog vernaemer! Mit mekaander staon we staark! Uut gemienschop moet et grujjen! Stellingwarvers, an et waark! Oonze tael moet rieker blujjen!